Patere nga Te Turuki Rikirangi i Omarumutu
Kahore aku maharahara, aku manukanuka
Ki aku tini mahara e pupu ake i roto i te hinengaro ........
Kahore hoki e taea te pehi ki roto ra i aia ...........
Me pani atu ki te tini, ki te mano, ki te rau e pae nei ...... E hoa ma e ...........
Katahi au, a Tama Rangi, ka koa koa, ki te tito tito, ki te hanga rau e ........
Pere taku pere ki te Tairawhiti kia Hine Matioro, e Kui ma e .........
Tenei au kai te kimi ake, kei te wauwau ake i roto i te Ururoa
Kia kite atu au i te marama mai o te ata, kia kite atu au i nga hihi o te ra
Kia pa mai te mahanatanga ki te tau o taku ate
Kua papa piritia i te awhitanga a te mataotao ............ e Kui ma e .........
Kia tahuri mai te taringa, ki te whakarongo ki te tangi a te Matuhi
E tangi nei, tuia, tuia, tui, tuia .........
Pere taku pere ki te tihi o Hikurangi, e hoa ma e .........
Kia tahuri mai te taringa, ki te whakarongo ki te tangi a te Matuhi
E tangi nei, tuia, tuia, tui tuia ............
Pere taku pere ki te Taitokerau, kite Tiriti o Waitangi, e mahara mai e .........
Ko nga purapura enei i whiua mai e Potatau ki te Upoko o Te Ika,
Kia mahara mai e ............
Kia tahuri mai te taringa, ki te whakarongo ki te tangi a te Matuhi
E tangi nei, tuia, tuia, tui tuia ............
A Translation:
I have no thought or care for what is before me
Although there is a well of thought within my mind
That I cannot suppress
However I will cover those with a myriad of coverings... my friends
Therefore I, Tama Rangi, rejoice and sing that I am able to find shelter
That I may send a call to the mothers of Te Tairawhiti
I search and disturb the dangerous waters
That I may see the dawn and behold the rays of the sun
That it's warmth may envelop me and not this cold ground which has been my comfort
Mothers, turn the ear that you may hear the cry of the Matuhi
Tuia, tuia, tui tuia
That I may send a call to the peak of Hikurangi ,
My friends, turn the ear that you may hear the cry of the Matuhi
Tuia, tuia, tui tuia
That I may send the call to the north, to the Treaty of Waitangi, matters that we should think about and consider
Thoughts that were sown as seed by Potatau to the seat of Government
Think on these and turn the ear that you may hear the cry of the Matuhi
Tuia, tuia, tui tuia